Baasler-Faasnacht - e Stigg Baasler Kultur - im TERTIANUM St. Jakob-Park.
Leen Si sich iiberrasche vom e tradizionelle Schnitzelbangg - brinzlet vom e Gascht, wo in unserem Huus läbt. Vyyl Vergniege bim lääse!
s' TERTIANUM St. Jakob-Park (Text: W. Kohler)
Wenn de langsam älter wirsch und hesch e huffe Zyt
Ween de gärn spaziere goosch und wotsch nit allzuwyt
De heschs gärn gmietlig und wurdsch di gärn verweene loo
Denn, - muesch zu uns ins TERTIANUM koo.
E scheeni Wohnig, - zwai Zimmer oder velicht au drei,
uff jede Fall, - de fielsch di do dehai
de kasch m'rs glaube, - s'isch eso;
muesch nur zue uns ins TERTIANUM koo.
De hesch e Kuchi, de kasch koche und au bache
De Zmorge und de Znacht kasch sälber mache.
Im Classico wird dr di Zmidaagässe serviert
Ob Fleisch, eb Vegi, eb gkocht oder grilliert
De bschdimsch sälber eb à point oder roh
Muesch halt zu uns ins TERTIANUM koo.
De Service, dä isch aifach cool
S'sin alli us de Hotelfachschuel
Stoffdischdüecher, de Serviettering, silber mit Gravur
Die Ambiance isch de Wahnsinn pur
Und das alles, - ohni z'liege
Kasch nur im TERTIANUM griege.
Bisch e Frind vom FCB
Kasch de Match im Joggeli gseh
De sitzisch an de Wärmi und wirsch nit nass
Das isch e Vergniege erschti klass
Doch das goht nid aifach soo
De muesch scho ins TERTIANUM koo.
Ains hätt i no fascht vergässe
Kasch nit nur schloofe und guet ässe
Me duet au ebbis fir Gaischt und Seel
Musik, Gymnaschdig und Moole in Eel
Das alles blibt nit nur e Wusch
Wenn d'au ins TERTIANUM kunnsch.
Jetzt aber han i gnueg plaggiert
Und s' TERTIANUM eggschpliziert
Wenn d' jetzt no dänggsch, das ka nit sii
Denn kunnsch aifach schnäll verby
Denn zaige mir Dir ohni Pflänz
Die ganz TERTIANUMräsidenz.
